اوورسیز پاکستانیوں کی اواز
چوہدری محمد اشرف ڈمیان
(ممبئی )اداکارہ شلپا شیٹھی کے شوہر راج کندرا کو فحش فلم بنانے کے الزام میں ممبئی پولیس کی کرائم برانچ کے پراپرٹی سیل نے گرفتار کیاگیا ہے۔
ممبئی پولیس کے کمشنر ہیمنت نگرلے نے راج کندرا کی گرفتاری کی تصدیق کرتے ہوئے کہا ہے کہ راج کندرا کے خلاف فروری 2021 میں فحش فلمیں بنانے اور انہیں مختلف ایپلی کیشنز کے ذریعے پھیلانے کا مقدمہ درج ہوا تھا۔ انہیں مقدمے کا مرکزی ملزم ہونے کی وجہ سے گرفتار کیا گیا ہے۔ راج کندرا کے خلاف پولیس کے پاس کافی شواہد موجود ہیں۔ٹائمز آف انڈیا کے مطابق راج کندرا آج کی رات جیل میں ہی گزاریں گے جہاں انہیں پراپرٹی سیل میں رکھا جائے گا۔رپورٹس کے مطابق گزشتہ ہفتے پولیس نے ایسے نو ملزمان کو گرفتار کیا تھا جن پر الزام تھا کہ انہوں نے اداکاروں کو مجبور کیا کہ وہ برہنہ مناظر عکسبند کرائیں۔بھارتی میڈیا کے مطابق فحش اداکارہ پونم پانڈے نے راج کندرا اور ان کے ساتھی کے خلاف بمبئی ہائیکورٹ میں مقدمہ درج کر رکھا ہے۔ اداکارہ کا الزام ہے کہ راج کندرا ان کے مواد کو معاہدہ ختم ہوجانے کے بعد غیر قانونی طور پر استعمال کر رہے ہیں۔ دوسری جانب راج کندرا نے ان الزامات کی تردید کر دی ہے۔
0 comments:
ایک تبصرہ شائع کریں
جی اسلام علیکم اگر آپ کو ہماری پوسٹ آچھی لگی ہو
تو آپ پوست کو لایک کریں اور شٔیر کریں شکریہ